ХБНГУ-ын Германы Сэргээн босголтын зээлийн банкны (KfW) санхүүжилтээр БОАЖЯ-аар дамжуулан  хэрэгжүүлж буй “Биологийн олон янз байдлыг хамгаалах, уур амьсгалын өөрчлөлтөд дасан зохицох” төслөөс хамтын ажиллагааны хүрээнд Аймгийн ИТХ-ын ажлын алба, Эрдэнэ, Цогт, Алтай, Бугат, Тонхил сумдад цахим хурлын тоног төхөөрөмжийг шийдвэрлэсэн бөгөөд төслийн багаас ИТХ-ын ажлын албаны тоног төхөөрөмжийг гардуулан өглөө. Төсөлд хамрагдсан сумдын тоног төхөөрөмжийг төслийн нэгж, гүйцэтгэгч аж ахуйн нэгж хамтран сум бүрт очиж газар дээр суурьлуулж хүлээлгэн өгөх юм.